好運泰國美食 (已搬遷) 新店位置

嗰日約咗朋友去新蒲崗附近做嘢，之前諗住先食啲嘢，所以決定喺附近搵下有乜嘢食。行經康強街見到一間泰國小店。望到門外廚師推介，非常吸引，所以決定入去試吓。坐低之後望到餐牌，選擇都有好多。無骨鳳爪沙律，鳳爪爽口而且酸酸地非常開胃。炸蝦餅炸得非常香脆，而且蝦肉爽口彈下。泰式海南雞飯，油飯好香，雞肉肉質嫩滑，而且已經去骨食起嚟非常方便，點埋秘製醬汁更加美味。泰式炒鮮蝦金邊粉，醬汁味道香濃，鮮蝦口感結實，食之前加埋花生碎同青檸汁，味道非常豐富。龍眼冰非常清甜，而且龍眼數量都唔少。餐廳食物美味，而且價錢超值。