今日嚟到The Hart一間樓上串燒店🔥~
唔係地舖但都勁爆滿,因為價錢夠抵,最平10蚊一串咋😋!
佢哋嘅翠玉瓜燒得好juicy💦~
全晚都好多人點,經常都見到燒傅燒翠玉瓜🥒~
另一個抵食必食推介係豚肉荔枝卷🐷,一串有三粒~
個荔枝好甜,配埋鹹鹹地嘅豚肉好夾👍~
所以食完第一轉又encore咗一轉~
我個人最愛係墨魚鬚🦑,墨魚鬚好脆口~
而且燒到尖尖有少少焦香,又爽脆又好味😍~
另一個食串燒必點係牛舌👅~
呢度嘅牛舌芯好軟嫩,有少少黑椒調味🧂~
不得不說,師傅每樣調味都恰到好處👍,唔使再加味又唔太鹹~
Klook 5% discount code: HELENC5KLOOK
我亦都好喜歡免治雞肉棒🐔~
裏面有少少軟骨,咬落脆脆地~
再配埋鮮雞蛋濃郁香甜味道🥚,令人好回味~
蒜蓉燒蠔都好吸引🦪,48蚊有兩隻,而且肥大肉厚~
配埋滿滿嘅蒜蓉🧄~
一啖食落口連埋啲蠔汁,只有鮮字可以形容~
呢個日式淮山好特別,係脆炸皮嘅淮山,入面好爽脆🤩~
佢會跟埋一個蛋黃醬~
但我就喜歡點雞肉棒個雞蛋醬油,更濃香鮮味~
另一半係茜人🌿,而且好鍾意食手抓餅~
所以一定要點芫茜雞絲手抓餅俾佢📝~
香脆嘅手抓餅入面塞滿咗新鮮芫茜...
我見到好驚,但佢就好高興😫~
雞絲帶辣味🌶,好醒神~
佢哋而家仲做緊啤酒買一送一🍻,同朋友嚟一人飲返杯真係好正~
可惜另一半唔飲,所以我點咗荔枝檸檬whisky🍋,味道甜甜酸酸都唔錯~
而且可以喺爐邊睇住師傅整串燒,食落特別好味~
