香港人冰室

營業中

休息中

今晚屋企人冇煮飯，所以去咗屋企附近新開嘅冰室食飯。餐廳有提供晚餐同小菜，價錢好抵，選擇又多。由50幾蚊至70幾蚊都有，仲包埋白飯，湯同飲品，好抵食。~~中湯好足料，冇味精，好好味。～～椒鹽鮮魷即叫即整，份量好大。食落好香脆，脆卜卜，魷魚都好爽口。~~美極彩椒牛仔骨煲熱辣辣，牛仔骨煮得不錯，唔會過火，太老。肉味香濃，大大塊，好有咬口。~~奇味蝦雞煲熱辣辣。蝦份量都好多，食落好爽口同新鮮。雞就好嫩滑。雞同蝦都好入味，食落少少辣，好惹味。~~阿華田雪山係五穀麥芽特飲。五穀包括麥芽，小麥胚芽，大豆，薏米，黑白芝麻。五穀仲好健康，高纖，高鈣，高鐵同高維生素E。味道仲好好味，唔會好甜，一個字，正。