果子｜海南雞飯·喇沙摻摻 (啟昌樓) (已結業)

係太和這條街好多野食，這間cafe算係新新地，今日終於去試一試！！我地有幸坐到卡位，可以慢慢自閉咁食住講！🤣再睇餐牌佢都幾多野食！！其實個藍碟荳花椰漿飯都幾吸引，但今日未太餓就放棄！咖哩牛腩火山包外面多數得個包，佢竟然包咗幾塊薄餅俾你點咖哩食，太正了！！佢啲牛腩係一大舊都幾多㗎，而且牛味十分重，不過略為小汁同相對杰身啲，食到後味唔多汁點了🤣一人套餐 包一個小食同主食連野飲！我地叫咗串燒雞，推薦！！好嫩同超多沙嗲醬好好食！！主食，我地最鍾意都係海南雞喇沙摻摻！！湯底有蝦味而且椰汁味❤️好濃！佢配有米粉同油麵，將經典重現，好特別!!味道唔辣，怕辣嘅朋友有得食！！肉骨茶！佢有成4大舊排骨仲有軟骨，而且好少有地有隻蛋，好入味，料好足！！怕藥材味的朋友可介紹，都幾正㗎！佢寫1至2人份量，我覺得3個人食都夠哂🙈最後仲叫咗八寶芋圓好大碗㗎，有薏米紅豆仙草珍珠超多芋圓！！珍珠同芋圓係十分之有水準，啱晒煙韌一族!!珍珠有黑糖味都好正！！甜品無得輸！！一個人唔好叫，好大碗🙈