——————————
🔹雜菜湯 酥皮忌廉湯(+$10)
雜菜湯即係羅宋湯，有很濃郁的蕃茄味，仲有少少辣，非常合我口味。裏頭還有很多蔬菜，很健康🤤
酥皮忌廉湯，即叫即整，熱辣辣，酥皮好香牛油味，但略嫌焗得不夠耐，不夠酥脆~ 忌廉湯亦偏淡，沒有忌廉香味😖
🔸蟹肉拼蜆肉配忌廉汁天使麵 $72
本身不太喜歡天使麵，覺得麵質很幼細，很容易煮得過淋。但這個天使麵做得很出色，幼幼的麵條充分掛滿汁，好香奶油味，不會太淋😍仲食到很多蜆肉，不過食唔到有蟹肉，有點失色。
🔹香草芥茉籽燒紐西蘭羊扒配薯菜 $98
母親大人想食羊扒，叫咗五成熟，煎得不錯~外層焦脆，聞起來有少許羊羶味，配上甜甜的燒汁，令羊排變得更香，肉質也很軟腍，確實不錯👍🏼
薯菜炸得外脆內軟，沾上茄汁就剛剛好
🔸雲呢拿雪糕🍦紅豆冰 +12
這杯紅豆冰，有很重奶香味，相信與雲呢拿雪糕有關。這球雪糕有很濃郁雲呢拿味，一吃就知不是普通貨色，混合紅豆冰，真是很邪惡😈不過邪惡的食物總是令人上癮，很好飲🤤
