稻香超級漁港 (鳳德商場) (已結業)

今朝三號風球 ， 阿女不用上學 ，去左陪阿爸阿媽 去咗鳳德 商場稻香 飲早茶， 星期一至五， 十一點前下單，十二點結帳，就可享點心半價優惠。（阿媽話個優惠做左有成年）咸魚雞粒飯- 雖然鹹魚無益， 間中少食還可以， 雞粒無⻣好滑。鳳爪排骨飯 - 有兩隻鳳爪芡汁味道濃稠度適中， 好怕吃到芡汁一pat醬汁 傑杰撻撻， 在豬肉咁貴嘅情況下，排骨也不算是少， 好味道。煎堆仔- 脹卜卜，香脆。古語有云煎堆碌碌金銀滿屋。芋泥脆餅 - 小點， 熱辣辣香噴噴，阿女自己食曬一件牛肉球拼 鯪魚球- 一個價錢兩種口味叉燒腸-   係三條腸粉，唔係六格腸粉，兒時回憶。鴛鴦雙潮 - 潮式粉果同蝦餃各兩件， $120有找。