影片
更多
2016-03-12
2441 瀏覽
平日工作壓力太大，放工就梗係相約好友去食餐好，傾下計～因為大家都住左觀塘附近，又知名他們有優惠，所以就決定去食放題啦！「大滿屋」位於觀塘MTR旁的亞太中心，就在APM旁邊，地點方便易搵～他們正在做2人同行1人半價優惠，即使平日晚上前來都座無虛席，人頭湧湧！星期一至三（成人HK$236起，小童HK$138起），星期四至日及前夕（成人HK$256起，小童HK$158起），不同收費按不同時間入座計算！我們一行三人，就變左一共便宜了百多元啦～食店佔全層位座，裝修光猛新派，更設有卡位，座位闊落舒服！這裡的食物款式很多，分別有刺身、壽司、卷物、沙津小食、串燒、炸物、一品料理、飲品及甜品等！飲品是任取的，款式都比較多～另外仲有一個雪糕雪條甜品櫃！先來飲品，飲品款式都比較特色多樣，少有在放題可見的飲品就一於試一試啦！第一轉當然是食刺身先啦！分別有三文魚刺身、油甘魚、希靈魚、劍紅魚、鱆紅魚、八爪魚、鮑魚片、白海螺、甜蝦、玉子、珍珠黑鳥貝及帆立貝，好豐富呀！最特別上枱時，底層是有乾冰在霧煙架！三文魚刺身好鮮味厚身，沒有雪味，啖啖肉，正！白海螺好爽口彈牙，甜蝦好鮮味～鮑魚片好少放題可以食到，不過本身佢冇咩味
因為大家都住左觀塘附近，又知名他們有優惠，所以就決定去食放題啦！
「大滿屋」位於觀塘MTR旁的亞太中心，就在APM旁邊，地點方便易搵～
他們正在做2人同行1人半價優惠，即使平日晚上前來都座無虛席，人頭湧湧！星期一至三（成人HK$236起，小童HK$138起），星期四至日及前夕（成人HK$256起，小童HK$158起），不同收費按不同時間入座計算！
我們一行三人，就變左一共便宜了百多元啦～
食店佔全層位座，裝修光猛新派，更設有卡位，座位闊落舒服！
這裡的食物款式很多，分別有刺身、壽司、卷物、沙津小食、串燒、炸物、一品料理、飲品及甜品等！飲品是任取的，款式都比較多～
另外仲有一個雪糕雪條甜品櫃！
先來飲品，飲品款式都比較特色多樣，少有在放題可見的飲品就一於試一試啦！
第一轉當然是食刺身先啦！分別有三文魚刺身、油甘魚、希靈魚、劍紅魚、鱆紅魚、八爪魚、鮑魚片、白海螺、甜蝦、玉子、珍珠黑鳥貝及帆立貝，好豐富呀！
最特別上枱時，底層是有乾冰在霧煙架！
三文魚刺身好鮮味厚身，沒有雪味，啖啖肉，正！
白海螺好爽口彈牙，甜蝦好鮮味～
鮑魚片好少放題可以食到，不過本身佢冇咩味，沾少少鼓油就好正！
三魚文刺身真係百吃不厭，SIZE都算適中！燒有機菠蘿
燒菠蘿好有風味，原汁原味！帆立貝北海燒
SIZE正常，帆立貝上面有一些沙律蟹籽醬一齊燒，好開胃！卷物（左起：芝心鰻魚卷、加洲卷、香芒軟殼蟹卷）
我食了香芒軟殼蟹卷，好特別好味，不過軟殼蟹被壽司飯包了一陣子，所以不太脆身，味道不錯！特色壽司（左起：花之戀人、海膽親子卷）
我食了花之戀人，上面係勁多蟹籽，被兩片厚厚的三文魚包住有少少沙津醬的壽司飯，好味！串燒及燒物（左起：有機蕃薯仔、雞軟骨串、汁燒雞肉串）
汁燒雞肉串好惹味，不會太咸，雞皮也不會太肥膩，好味！蟹籽沙津
有蟹籽、粟米，下面係一些青瓜絲及蔬菜絲，好爽口清新，吃得多濃味的可以清下個口！味付螺肉
呢個味道正常，一客份量我覺得比較少，要encore 多一客先夠喉！芝麻雞翼
呢個係意料中好味的雞翼，雖然全炸比較熱氣，不過炸得不會太油，好香芝麻味，表面好脆口！蒜片牛柳粒
蒜味夠，咸度適中，牛柳粒夠淋身易咬開！牛油甜粟米
每次放題都是必叫的，粟米夠甜，牛油份量適中，好味！壽司（左起）
（上）蒜香三文魚壽司、七味辣牛肉壽司
（下）黑松露三文腩壽司、北寄貝壽司
上排的壽司都是輕微燒過表面，蒜香三文魚壽司好很蒜香，不過還是原味比較好食，蒜香蓋過三文魚味！而七味辣牛肉壽司好惹味，不過太辣，平時只食少辣的我都接受到！
黑松露三文腩壽司好少量黑松露，不過黑松露味不太夠出，普普通通！
天婦羅
齊體都不錯，炸得太會太油膩，沾上天婦羅汁不錯！甜品／雪糕
好意外這裡有得食韓國果隻蜜瓜雪條，有就梗係要食啦！仲有迷你雪米池～
而甜品就都有好多特別的，有芒果糯米池、馬卡龍、曲奇木糠布甸及桂花椰汁糕，不錯不錯！
後記：
整體感覺這間不錯，宜家仲做緊優惠2人同行1人半價優惠，平均一人都係最平HK$120起就可以嘆到一個2小時任飲任食放題！
以價錢來說，它們的食物整體質素都算偏高！
張貼
