燒肉King (已結業)

放工後，約左同事食晚餐。同事話油麻地新開左一間燒肉king，食日式燒肉，價錢抵食。餐牌有多種選擇，有極上二人盛合、和牛套餐、晚市套餐、單點自由選配。我地兩個叫左兩個晚市套餐，價錢相當抵食，由幾十蚊到百幾蚊價錢不等，有六款不同選擇既主菜加配指定御飯+和風湯+和式前菜+飲品。前菜方面-點左胡麻醬豆腐仿蟹柳沙津，味道清新，蔬菜爽口，豆腐配胡麻醬汁好夾。我揀既晚市套餐-美國牛小排&牛舌&牛五花（250g)，飲品飲可樂。哩個餐既牛肉份量多而且肉質鮮嫩，放入網度燒，好快熟透，食落口啖啖肉汁味。同事就揀左晚市套餐-牛五花&雞腿肉&日式香草腸，同事話牛五花肉同脂肪分佈均勻、雞腿肉嫩滑。飲品方面飲白桃四季春，濃濃的白桃味，十分清香，茶味清新，飲落口中有回甘。