八幡屋涮涮鍋 (已結業)

今日老婆同佢朋友話想食火鍋+放題即時諗起旺角依間（八幡涮涮鍋），天氣咁熱，緊係要對自己好d。上到去發覺環境幾好，地方都幾寬敞。趁等食物上枱期間出咗去佢哋嘅炸物區搵嘢食，發覺都有好多款唔同嘅炸物。有炸蝦天婦羅/茄子/紫薯/越式春卷，‘最特別竟然係有炸饅頭，點鍊奶食一流。個鍋同埋M5和牛好快就到，和牛好靚油脂分佈均勻，全部落去淥一淥就食得，入口即溶。海鮮方面都有好多選擇有青口/太子/蝦/螺。可以無張添加。燒物方面有燒蝦/多春魚，燒得好好，唔會燒到好乾，最好食嘅竟然係佢哋嘅芝士燒年糕。打邊爐嘅丸類都有好多唔同款式，有芝士腸/海膽丸/芝士丸，講得出嘅都有。唔經唔覺已經食咗個幾鐘，超級滿足，老婆同朋友都好滿意我今日嘅安排。之後上網睇返，佢哋其中一C3嘅餐係買一送一，即係等於五折，二人同行一人免費，經網上預約仲會送鮑魚，如果有四個人或以上仲送鮑魚加生蠔。。下次要4人同行，食埋生蠔。