羽銀亭

燒雞扒烏冬定食 (HK$76)
呢個定食份量十足.
前菜有中華沙律同漬物.
烏冬係粗身嘅, 口感有少少煙靭, 係我鍾意嘅口感.
湯底係鰹魚湯, 配烏冬冇得輸.
塊雞扒大過我手掌.
雞皮有少少脆脆哋嘅口感.
雞扒食落帶點焦香, 而且仲keep到肉汁.

凍檸茶
係用咗玄米茶做茶底.
味道有啲獨特.
但我覺得檸茶都係配返紅茶底會夾啲.

整體嚟講, 呢間餐廳食物質素唔錯, 性價比幾高.
埋單嘅時候仲會每人送粒雪米糍.
不過餐廳環境唔算大.
想過嚟食lunch, 真係要早少少嚟喇.