影片
更多
2021-07-29
1182 瀏覽
收藏咗超耐嘅餐廳！因為我係飯團控🍙一直好想試吓佢起H zentre入面 平時去開尖沙咀都好少機會行去嗰頭 今日都係特登黎入面主要有個賣日本食物嘅超市 然後有米角同The Salfee bar 兩間熟食店有啲food court嘅形式坐位唔多 不過幾舒服既 自己一個黎食都可以米角menu都算多嘢食 飯團款式已經好多 好特別每個口味都好吸引😍飯團size亦比一般大啲宜家買仲有8折只不過今日黎食dinner 食飯團感覺都唔太夠飽 所以就選擇食便當便當款式都多 另外亦有茶漬飯 小食仲有期間限定！今期主題係紅色❤️叫咗個 米角和式香料慢煮雞肉海苔五穀便當 ($68)因為得一個服務員 然後即叫即整 所以要等大約10分鐘左右賣相好好👍🏻連個盒都要用貼紙貼好 木餐具同木盤令個便當好有日式家庭簡易風一開個便當仲暖 而且超香飯味🤤份量非常大 雖然盒扁身 但係下面全部都係米飯然後上面有塊大雞扒 半隻流心蛋 兩片大海苔 仲有其他漬物: 籮蔔 車厘茄 牛蒡 見到都覺得好豐富 又好似好健康咁🥰味道方面…車厘茄鮮甜多汁 漬物有鹹有酸 係令個便當味覺同質感上更有層次嘅精髓海苔雖然唔係脆 但係超香紫菜味 佢黏住咗啲飯 攪
佢起H zentre入面 平時去開尖沙咀都好少機會行去嗰頭 今日都係特登黎
入面主要有個賣日本食物嘅超市 然後有米角同The Salfee bar 兩間熟食店
有啲food court嘅形式
坐位唔多 不過幾舒服既 自己一個黎食都可以
米角menu都算多嘢食 飯團款式已經好多 好特別
每個口味都好吸引😍
飯團size亦比一般大啲
宜家買仲有8折
只不過今日黎食dinner 食飯團感覺都唔太夠飽 所以就選擇食便當
便當款式都多
另外亦有茶漬飯 小食
仲有期間限定！今期主題係紅色❤️
叫咗個 米角和式香料慢煮雞肉海苔五穀便當 ($68)
因為得一個服務員 然後即叫即整 所以要等大約10分鐘左右
賣相好好👍🏻連個盒都要用貼紙貼好 木餐具同木盤令個便當好有日式家庭簡易風
一開個便當仲暖 而且超香飯味🤤
份量非常大 雖然盒扁身 但係下面全部都係米飯
然後上面有塊大雞扒 半隻流心蛋 兩片大海苔 仲有其他漬物: 籮蔔 車厘茄 牛蒡
見到都覺得好豐富 又好似好健康咁🥰
米角和式香料慢煮雞肉海苔五穀便當
$68
53 瀏覽
0 讚好
0 留言
味道方面…
車厘茄鮮甜多汁
漬物有鹹有酸 係令個便當味覺同質感上更有層次嘅精髓
海苔雖然唔係脆 但係超香紫菜味 佢黏住咗啲飯 攪到好似飯團咁
半隻流心蛋都好食 熟程度啱啱好 蛋黃好槳 又香蛋黃味🥚雖然蛋白位置冇乜味
🐔雞扒超大舊勁厚肉 連皮上 上面有好多照燒醬油同香粉
食得出新鮮味 啖啖都係肉！
只不過肉質稍為乾咗少少 可能整得耐咗啲啲
用照燒醬油係幾夾味嘅👍🏻
🍚米飯先最出色好食 難怪叫米角呢個五穀米 有紅米 糙米 燕麥 綠色豆 咁
食落米飯比較硬身少少 同埋唔係黏嗰隻 即係唔係日本珍珠米嗰種
但係佢有佢好食之處 就係粒粒分明 每粒都非常有口感有咬口😋
然後撈埋啲照燒汁 除咗飯香仲有啲甜甜哋嘅味 超級好食
好食到我竟然全部飯食曬 一粒唔剩😂
-
好高質嘅日式便當
呢個就係飯靚嘅分別 完全係另一個層次
加上佢配料多 味道方面都好好
服務都ok 見佢一個人自己做曬落單 整便當 都替佢辛苦
環境舒服 因為起office底層 又唔多人 所以比較靚 隱世好地方 唯一係啲枱細啲
CP值高 食完真係飽 材料又靚💕
推介大家試
張貼
