開心轉轉火鍋

油麻地新開咗間迴轉火鍋，有啲似迴轉壽司咁，客人可以自己揀鍾意嘅嘢食，食到飽為止。選擇幾多，有肉有菜有主食有小食，價錢都算抵。餐廳補貨補得好密，保證大家有得揀。最好係餐廳通風夠，食完衫都唔會一陣味。
.
🌟海鮮拼盤
餐廳會獨立俾碟海鮮你，確保夠新鮮。海鮮拼盤啲蝦肉爽口，蠔好飽滿，青口同蜆隻隻開口又冇沙。淥一淥清湯就已經好鮮味，簡單點啲醬就夠好食，份量都好滿足。
.
🌟湯底
今次試咗麻辣湯同菌皇湯。麻辣湯夠香夠麻，用嚟淥麵、丸同年糕就最正；菌皇湯清香鮮甜，更加襯到海鮮嘅原味。餐廳仲有酸辣金湯、蕃茄湯或者老火豬骨湯可以揀。
.
🌟肉類
餐廳啲肉都俾得幾大方，牛肉款式多，有啲雪花靚，肥瘦適中，肉味都幾濃。

1