組長日式放題 (已結業)

依排打多左邊爐，想食下放題，朋友就訂左響彌敦道嘅組長日式放題. 嚟到放題當然要食刺身啦！三文魚啦、劍魚腩、帶子、鮑魚片、象拔蚌、甘蝦……呢度嘅三文魚厚薄適中，有三文魚香味，劍魚腩算肥美，有啲魚脂香，甘蝦就幾幼細，食嗰時要一次過夾幾件先夠過癮，我最鍾意食花之戀 ，一口氣食兩件，個面灑上好多蟹籽，三文魚又唔會薄，朋友就點左安康魚肝軍艦，唔太軟，夠甘香馥郁，與軟香嘅飯雙映成趣呢！而火炙左口魚邊壽司係有油香， 而啲油香被燒後，就減輕左嗰種油膩膩感，並且會更香. 大蝦天婦羅，夠大隻，外皮香酥，蝦肉厚實，蟹棒天婦羅較甜. 爐端燒，牛油燒粟米，鹽燒雞翼，鹽燒雞軟骨，鹽燒多春魚，我覺得咁多款食物，最出色嘅就係爐端燒，雞翼上的雞皮超脆，焦焦地，入口好香. 食完正餐仲有唔同嘅甜品可以選擇，松露朱古力草餅、雪糕、雪條等，雖然唔係靚牌子雪糕，但係呢個放題價錢都算平，所以有雪糕食都好照顧到顧客唔同嘅需要，另外一重點係方便，位於彌敦道，食完同朋友可以去行街，跟住返屋企方便嘛！