瀛喜日本料理 (已結業)

放工約埋一班朋友去食飯，因為諗唔到食乜，最終揀咗食放題，所以今晚就嚟呢度試下～7點到達，唔算太多人，好彩唔駛等位。坐低即刻睇下order紙，種類都幾多，花多眼亂，就亂點一堆啦～～～ 襯未有野食，周圍睇下，附近有幾個大雪櫃放飲品，種類都有好多，啤酒、汽水、綠茶、果汁先生、蘋果茶等等，再望下雪糕櫃，種類好多，雪糕雪條糯米糍差不多有十幾款，好鬼吸引，最正係有細細個成日食嘅孖條呀～～～ 最值得推介嘅有刺身壽司，三文魚夠新鮮同肥美，壽司細細件，食完唔會頂住！紅蝦，大大隻，夠曬鮮甜！燒魚，燒得剛好，外脆內軟，不錯！炸物，炸得好乾身，好夠脆，正！羊架，又係燒得剛剛好，好林，好食！