泰象館

營業中

休息中

九龍城多泰國嘢食唔係新鮮嘅事，但係好味嘅泰國菜大家又食幾多間呢？今次同朋友食呢間叫做泰象館泰國餐廳，外邊有個黃色嘅招牌好容易就搵到，餐廳都算多位所以店員好快就安排咗位置俾我哋。我哋總共帶咗六樣嘢，有馬拉盞炒通菜，海南雞，半打串燒，椰汁咖喱，薄餅同埋珍多冰。首先馬拉盞炒通菜，同出邊食到嘅差唔多，通菜唔會老有渣，而且好夠味,食得出落咗好多馬拉盞。我同朋友兩個食所以就叫咗半隻海南雞,海南雞份量都幾多，絕大部份都係無骨嘅,下面仲有青瓜伴碟，用黎點嗰醬就真係生色不少，兩個人食啱啱好。串燒我哋嗌左半打，牛豬雞每樣各兩串，串燒一串唔會話得兩三舊肉而且醃得啱啱好味，加埋個沙嗲醬簡直係正，我哋仲叫店員比多一兜我哋，佢完全冇托手踭，抵讚！朋友之前食過黃咖喱話唔錯，所以今次就試下椰汁咖喱，朋友話呢個咖喱同黃咖喱一樣咁正，而且仲多左椰汁嘅香味，肉片份量好多，仲有啲豆角連埋咖喱汁一齊食都好正，我哋仲叫咗個薄餅點埋啲咖喱汁一齊食唔好嘥。珍多冰同出邊嘅差唔多，下次可以試吓嗌少甜。呢間餐廳同朋友聚會食飯都唔錯，可以多個選擇。