喺旺角呢頭，除咗登打士街嗰帶啲小食之外，呢幾年旺角中心都開始變成掃街好去處。
行過呢間手卷鋪，零秒就畀佢呢個賣26蚊嘅全隻軟殼蟹手卷吸引住。講真呢個價位嘅手卷，第二度分鐘得半隻蟹，可能仲係凍嘅x_x
除咗軟殼蟹手卷，又見倒蟹籽沙律都貌似幾抵食，就順手叫埋。
一畀完錢，師傅已經即刻開始整沙律同手卷，叫完到有得食都只不過三幾分鐘~
先講吓個手卷先。隻蟹係新鮮炸起嘅FEEL，仲有少少蟹膏，紫菜夠脆，飯都OK，掂呀~!
沙律都唔弱，蟹籽真係相當多，撈晒成兜都見倒蟹籽，唔係出面嗰啲係咁二畀少少蟹籽嘅貨色。啲青瓜都新鮮爽脆。如果要嫌嘅就係啲蟹籽味道比較淡，不過我都覺得而家咁已經好ok。
就算唔點食生嘢，單係個手卷都真係可以番兜好多次~
