瓏門冰室 (已結業)

同朋友出去尖沙咀買嘢，到咗食飯時候，因為我們都比較喜歡吃茶餐廳，所以去咗龍門冰室，餐廳食物好味又唔貴。鐵板美式雜扒，豬扒、雞扒、腸仔、煙肉、煎蛋，跟薯菜。大大份用熱辣辣鐵板盛載上枱，揀咗黑椒汁，豬扒雞扒大塊厚肉，煎到金黃色好香口，加埋黑椒汁，辣辣哋又香又好味。餐湯creamy,鹹檸七解喝。玉子燒常餐：有好多不同配搭，揀咗吞拿魚芝士玉子燒、雪菜肉絲米粉、奶油多、紅豆冰。蛋包住餡料吞拿魚和芝士，蛋香兼嫩滑，吞拿魚加入芝士，creamy又美味！晚餐亦有，其中星洲炒米都唔錯，夠穫氣，足料又夠惹味，配料有义燒、蝦仁、蛋絲、洋蔥等，米粉爽口彈身，充滿咖喱香味。奉送餐湯、多士。奶茶紅豆冰，奶茶茶味香濃，紅豆煮得夠淋身，仲唔會過份甜。