茶匠 清水一芳園 (已結業)

今日行街又見到有着數嘢，呢間清水一芳園平時一份班戟最少都30幾蚊，今日做買一送一，真係好抵呀！有4款口味揀，即時決左要一份士多啤梨朱古力同埋一份香蕉朱古力班戟！睇住店員即製班戟皮，加上鮮果同埋忌廉，靚靚咁捲起，急不及待即刻食一啖！班戟皮軟熟而且仲暖暖地，食到啲蛋香味道，最最最鍾意佢個忌廉，入口輕盈而且有香濃奶味！我食嘅士多啤梨微甜，幾新鮮！可惜生果份量真係偏小，不過以買一送一來講，將價就貨真係算好唔錯啦！