帝樂德國餐廳 (Fashion Walk) (已結業)

同朋友都係平日放假，約左去銅鑼灣搵嘢食，假日都好多人，平日嘅銅鑼灣可以好chill咁慢慢嘆，朋友想食特別d，於是搵左呢間德國餐廳。我哋叫左脆皮燒豬肘配酸椰菜及炸薯角，Brunch係揀一個主菜，沙律吧、熱盤、凍肉盤、德式烤薄餅、凍海鮮、甜品同湯係任食。真係好抵食，淨係食d配菜已經好飽同回本。我最鍾意食d甜品，推介開心果芝士蛋糕，好食到唔停口。燒豬手係德國既特色菜，梗係要試佢啦，隻豬手好大隻，燒到好脆，上菜嘅時候仲有人幫手切埋。酸菜配豬手，一d都唔會漏。