一錢 (已結業)

呢度星期日都有午餐，而且好抵食$98-$138。套餐包主食、小食、前菜、味噌湯及沙律。前菜係日本螺肉、味噌湯夠濃郁。沙律菜有車厘茄、粟米粒。▶️廣島蠔御好燒$98廣島蠔御好燒大大件，蠔大隻鮮味。御好燒入邊充滿菜，口感爽口，呢個套餐仲包日式炒麵，炒麵味道酸酸地幾開胃。▶️M9和牛牛腹心$138和牛味都幾香，牛腹心肉質腍身帶點咬口。切好一片片，仲有醬汁點。▶️跟餐小食揀咗餃子🥟及是日小食炸雞🍗餃子煎得夠香，入邊多汁飽滿。炸雞外皮香脆，雞肉夠Juicy。▶️另外想叫咗北海道魷魚鬚$48魷魚有着酸酸地醬汁，另外仲有蔥、蒜、洋蔥等調味。