WM Café & Bar (啟岸)

營業中

休息中

星期五放工同老公去食飯，呢間西餐廳價錢幾抵食，百幾蚊有一個餐，不過我哋想食其他嘢所以就單點。我哋入座之後，餐廳仲送咗一份蕃茄法包薄餅，蕃茄芝士配上烤得脆脆熱辣辣嘅法包，好香好味。黑松露風乾火腿薄餅呢個一上枱勁香黑松露味，薄餅係薄薄脆脆嗰一款，配上芝士、巴馬火腿，材料雖然簡單，但係配合得好好，黑松露嘅香氣好加分。雙層美國安格斯牛肉漢堡配薯條Order嘅時候店員細心問我哋使唔使一開二share，唔使驚自己切到散晒。安格斯牛肉漢堡大大件，仲要有兩層，一咬落去啖啖肉，肉汁油香即刻飆出嚟，熱辣辣食冇得輸。薯條都係我鍾意嘅粗薯條。巴馬火腿卡邦尼意粉呢個卡邦尼意粉係比較乾身嘅，唔係我想像嗰款好Creamy醬汁仲有流心蛋嗰款。不過味道都唔錯，有啲洋蔥煙肉味道配合得好夾。