Monster Sushi (已結業)

難得今日放大假，所以去左iSqaure睇戲兼行街，未夠鐘睇戲前有個空檔，走去左Monster Sushi食午飯，結果有Surprise到我，估唔到D食物幾好，叫左個日本產玉子牛柳粒石頭窩飯，上枱見到大大隻蛋已經好興奮，牛柳粒雖然有D韌，但幾有牛味，最開心係碗飯加入左好多菜絲同菇絲，份量多到有點滿瀉，淋埋個醬汁勁好味，個餐仲要連埋三款前菜，包括沙律、蒸蛋和海蜇，只係$88，食到個人好飽。不過如果服務可以改進一下仲好，每次舉手勁耐都無人回應。而值得一讚我們坐吧枱，好難得可以咁乾淨！