影片
更多
2018-08-01
125 瀏覽
今日放工遲咗，一收工即刻同同醫下肚，佢地話有間韓式燒肉有宵夜，所以我地二話不說就去咗喇。依間oppa korean近近地喺旺角火車站附近，好方便！我地三個女仔唔太大食，所以叫咗個「牛鮮生」宵夜餐，入面有齊牛肉同海鮮，啱晒我地口味！首先上嘅主要係牛肉類，分別有安格斯肉眼扒、牛脷同牛柳粒。塊肉眼扒好厚好大塊，一定啱鍾意食肉嘅朋友！因為係肉眼，肉同脂肪嘅分佈好平均，所以味道亦好香口。至於牛脷亦都好好味！侍應姐姐幫手剪成條狀，好易入口。而個牛柳粒係三樣之中較為普通啲，冇咩特別。跟住有個海鮮盤，入面有帶子、多春魚同虎蝦，當中虎蝦最好食！因為除咗蝦身厚肉，蝦頭仲有好多膏，好正！其次個帶子都好大粒，一啲都唔欺場，不過帶子本身冇咩味，要靠點醬先吊到味。至於個多春魚都保持水準！除咗食物，依度最值得欣賞嘅係服務，侍應姐姐全程協助剪嘢同燒嘢，如果想自己落手燒，佢亦唔會阻到，真係好貼心。睇嚟又多一個食宵夜嘅地方比我地嘆下！
依間oppa korean近近地喺旺角火車站附近，好方便！
我地三個女仔唔太大食，所以叫咗個「牛鮮生」宵夜餐，入面有齊牛肉同海鮮，啱晒我地口味！
首先上嘅主要係牛肉類，分別有安格斯肉眼扒、牛脷同牛柳粒。
塊肉眼扒好厚好大塊，一定啱鍾意食肉嘅朋友！因為係肉眼，肉同脂肪嘅分佈好平均，所以味道亦好香口。
至於牛脷亦都好好味！侍應姐姐幫手剪成條狀，好易入口。
而個牛柳粒係三樣之中較為普通啲，冇咩特別。
跟住有個海鮮盤，入面有帶子、多春魚同虎蝦，當中虎蝦最好食！因為除咗蝦身厚肉，蝦頭仲有好多膏，好正！其次個帶子都好大粒，一啲都唔欺場，不過帶子本身冇咩味，要靠點醬先吊到味。至於個多春魚都保持水準！
除咗食物，依度最值得欣賞嘅係服務，侍應姐姐全程協助剪嘢同燒嘢，如果想自己落手燒，佢亦唔會阻到，真係好貼心。
睇嚟又多一個食宵夜嘅地方比我地嘆下！
張貼
