明記海鮮潮州菜館 (天保大廈)

營業中

休息中

前幾日我哋一家人又出去食飯，今次係去食潮州菜嘅，呢間餐廳係喺荃灣大河道附近，因為我之前經過過，就想帶屋企人過去試吓。我哋睇吓個餐牌，發現呢度都有好多嘢食，差唔多大部份嘅小炒呢度都會有。我哋見到啲孖寶套餐好抵食，所以就叫咗一個孖寶F，係芝士龍蝦伊麵配金牌滷水鵝。呢個就係芝士龍蝦伊麵，份量都好大碟，芝士味非常香，龍蝦味道好鮮，質地爽口，芝士味道濃郁，不過伊麵就林咗少少。呢個就係金牌滷水鵝，又係一大碟，所以呢度d小菜真係大碟又抵食，鵝肉好肥美，好甘香，我最怕食到啲鵝好蘇，而呢個一d蘇味都冇