東羅 泰館 (已結業)

觀塘除了APM, 仲有裕民坊有好餐廳食，去了3樓的「東羅泰館」食泰式菜。中午是有set lunch,好抵食。叫了「東羅泰滷豬手飯」，豬手飯大大份，豬水滷的超級入味，豬皮骨膠原重，岩晒女士食。仲配有酸菜，溏心蛋等，好食，又豐富。好貼心的去了骨，方便食，啖啖肉！「泰式蘆筍蟹肉炒飯」都份量十足，炒飯底炒得粒粒分明，配上雞蛋 金黃金黃色的，香氣撲鼻！蟹肉放上了炒飯底面，鮮味十足。仲有蘆筍，相當健康。加$48要了個甜品「提拉米蘇」，咖啡味蛋糕配上甜忌廉，不會太甜，有點泰式風味，幾好食。同友人share就岩岩好！飲品當然選了泰式奶茶，可選少甜，岩晒怕甜的我。橙橙色的奶茶，奶味香濃，好順滑。另外是芒果青檸梳打，加$15都相對好抵食，好清爽，青檸味酸酸甜甜的，好解渴。