木船泰國粉麵專門店 (已結業)

見到呢間陸續有人排隊等外賣，所以今日特別想試吓。加上見到佢有個抗疫外賣超值餐，價錢介乎$50～$60就已經買到一個有湯有飲品嘅泰國食物。真心超值。我哋叫咗一個招牌燒豚肉飯，我鍾意佢夠多燒汁，最驚喜嘅係原來中間有個流心蛋，而且燒豚肉份量多 ，再加上有木瓜沙律配合，超級開胃，而且木瓜沙律非常好味 不愧為外賣王牌菜式。套餐餸一個湯我揀咗冬陰功湯，冬陰功夠多材料，辣到適中，夏天食泰國菜非常之合適。加$10有泰式奶茶，呢度嘅泰式奶茶夠香濃，而且唔會非常甜，超級怕非常甜嘅飲品，我同老公都覺得甜度適中。 非常推介。另外叫咗個黃咖喱牛腩飯，原來青咖喱比較辣，黃咖喱會冇咁辣，好彩有店員悉心講解，今次真係長知識。咖喱味道適中，配合白飯一流。牛腩夠’林’！同樣推介。今次飲龍眼冰都係加$10，非常有誠意，入邊好多龍眼肉。