海港燒鵝海鮮酒家 (已結業)

今日下午我們去咗大埔超級城嘅「海港燒鵝海鮮酒家」飲下午茶！我們叫咗翡翠蝦餃皇、香茜叉燒腸、蠔汁叉燒包、潮州粉果、粟米鷄粒餃、青瓜海蜇花、五香咸水角同椒鹽脆豆腐！翡翠蝦餃皇嘅蝦好爽口彈牙！香茜叉燒腸嘅腸粉相當嫩滑，叉燒亦好香甜！蠔汁叉燒包嘅叉燒非常蜜汁，包質亦好鬆軟！潮州粉果嘅粉果皮好晶瑩同好彈牙，餡料相當多！粟米鷄粒餃嘅味道比較清淡，感覺好特別！青瓜海蜇花嘅青瓜非常新鮮爽脆，味道好清新，海蜇花相當爽彈牙！五香咸水角嘅外層好煙煙韌韌，餡料亦好豐富！椒鹽脆豆腐炸得非常金黃香脆，豆腐相當嫩滑，極之惹味！係本人嘅必食推介！