上海老家 (已結業)

難得可以放早，於是四圍行，在澳海城行完買了要買嘅東西於是行返出去大角咀個邊搵食時，比我發現了這裡有間都幾抵食嘅餐廳，雖然位置不在大街附近，但外觀企理，內裡座位都十分闊落，這裡主打食上海菜，落單都係掃二維碼，晚市時段還有套餐選擇，一個價錢幾款食物組合，今次就點了個順嫂魚羹，魚羹起大碗，內有魚肉、冬菇絲、荀絲，雲耳絲、蛋花等材料煮成，入口香滑，軟滑魚肉混埋爽口荀絲等材料一齊入口，感覺清新！而另一個就係醉雞，分量都足二人份，雞肉入口香滑肉嫩，陣陣花雕嘅氣味滲滿了醉雞內！而朋友亦選擇了這個四川回鍋肉，師傅炒得十分有鑊氣，回鍋肉唔會太肥，夾雜埋青紅椒，整體口感十分配合！這個餐還包了個蒜蓉炒時菜！師傅炒得個時菜十分香，陣陣蒜香撲鼻！整體分量足，白飯都不用點，已經食得十分之飽滿，如果真的不夠還可以額外加餸！位置未係最方便，但食物質素同服務都感覺良好，下次在附近又多個選擇！