火五越式牛肉粉專門店 (其昌樓)

營業中

休息中

火五越式牛肉粉專門店細佬請食午餐，要平平哋又好食，佢揀咗去呢間食越式河粉嘅餐廳，選擇都多，份量仲好大份，開頭以為唔夠食每人叫咗一個檬粉同河粉，大份到嚇親，真係好抵食。火五火車頭牛肉粉$62火車頭裏面有生牛肉、熟牛肉、和牛牛丸、扎肉，河粉好滑，湯帶有淡淡嘅牛肉味，牛丸好彈牙，仲有少少牛筋，正！香茅豬頸肉撈檬$58份量真係好充足，豬頸肉香口，有好多片，加上撈夢嘅醬汁酸酸甜甜，另外仲加上蘿蔔絲同青瓜絲，健康可口開胃。手作大蝦米子卷（四件）$38用好薄嘅皮包住米粉大蝦切片及素菜，點蒜蓉辣椒汁，口感好好。香茅雞翼（四件）$22有香茅同酸瓜伴碟，雞翼炸到香脆，仲有香茅碎，呢個真係要試吓，因為價錢真係好抵。凍越南椰子冰$19清香嘅椰子水再加薏米，健康好飲。整體而言唔錯，因為份量好充足，如果諗唔到邊度食午餐嘅話呢個係一個好好嘅選擇，另外小食都很好吃，特別推介香茅雞翼及大蝦卷，其實仲有軟殼蟹手卷都好想試吓。