金記冰室 (Two Harbour Square) (已結業)

觀塘海濱公園，我得閒呢就行下，幾舒服。 今次帶埋爸爸媽媽黎去海濱公園睇下人放狗，曬下太陽，唔洗成日屈係屋企。Hea 到黄昏時間，一出黎就見到間金記冰室，兩老就話食埋晚飯先返屋企。餐廳都幾多人，又多人叫外賣。呢隻用QR code 度單好方便，又準確。餐具又齊全。我地叫左XO 醬蝦球炒西蘭花、 韭黃叉燒炒滑蛋、咖哩牛腩飯同一份鐵板西冷牛扒。每碟份量都唔少，又唔貴，唔洗加一，好抵食。餐廳絕味不孤寒，啲蝦、叉燒、牛腩都好多。份西冷牛扒超大塊，大過手掌。幾碟野味道都好好，不得不提哩牛腩飯入面呢牛筋好腍，入口即溶。牛扒仲有得嗌幾成熟，口感適中。