富臨皇宮

營業中

休息中

今日約咗朋友係佢屋企打麻雀，四圈過後大家都有啲肚餓，就係佢屋企樓下間富臨皇宮食飯，因為係食飯時間，都好多人等位，好在間酒樓非常大，可以延開五，六十席，等個侍應招呼我地座低後，朋友已經攞起餐牌点菜，佢叫咗一個金銀菜燉白肺，焗加拿大龍蝦，鐵板黑椒豬手，又有生煎菜肉包，先上嘅係燉湯，好足料，味道濃一向保持水準，因為我地唔係第一次嚟，再上嘅係豬手同菜肉包，豬手好冧，黑椒味都好香，菜肉包嘅料都好多，最後係大龍蝦，每人有半隻，都係啖啖肉，上湯焗都好正，好快食飽後再番上去朋友屋企，繼續餘下嘅雀局。