肇順名匯河鮮專門店 (已結業)

公司食飯，本來一行12人，就叫左一圍菜大家聚下咁，點知有3個人臨時有事黎唔到，一圍菜9人食到飽一飽有二款選擇菜就係揀左天麻海雀燉大魚頭湯同銅盤焗走地雞比左窗邊位，真係景都食埋湯無影到相，其實係好濃的藥材湯，好好味，每人飲到2碗之後順序咁上菜芝士蝦球伊麵超大碟，12人都夠食，而家9個人就夠有突，芝士汁濃但不太膩以上二款無乜特別，一般菜式但份量超多，亦不算油膩以上二款係特式菜，煎饟三寶同銅盤雞，煎饟三寶味道唔錯，銅盤雞真係走地雞，無乜肥膏，肉質有咬感這店出名河鮮，果然最出色係這2款菜式，而且份量十足，侍應話條魚有六七斤重，先可以做到一魚二吃最後係令人驚喜的豆腐花同黃金糕，唔太甜唔會死甜滯，另外生果係西瓜又係爽甜，但可惜唔夠相位放唔到上黎總括黎話係令人心滿意足的一餐，一圍$1688全包宴，除開12人即係每人$140左右，都夠飽，亦可以試下唔同菜式唔會一味打邊爐或者放題，而家9個人食每人$188左右，仲有個飯食唔到要打包。可能星期一關係，入座率只有2-3成，同事話午巿成日爆場，大家可以考慮下黎試(好似有半席選擇)，唔多人唔嘈，侍應服務又周到。