樂園大排檔 (已結業)

星期日未夠七點已經坐滿人，好鬼旺。七個人快食：荔芋雞煲：味道幾好，芋頭好粉好多件，雞走過油好香，好味。桂花餅 (炸花枝餅)：一碟六件唔夠分添……烤得好香口，有爽口花枝同大粒馬蹄，熱辣辣，過足口癮。四季豆炒蜆肉：d豆炒得剛剛好，好脆。蜆肉一定係雪野，不過無孤寒，勁多蜆，又好惹味，送飯一流！鹵水拼盤：好大碟，有紅腸、腎、豬腸、豬肚、鵝件、豆腐、墨魚……一次滿足多個願望，夠入味，係d豆腐入味到好咸。蠔餅：蠔仔幾大粒，同粉漿比例剛剛好，好鬆化好味，必點。豉油王炒麵：又係好大碟，不過個麵炒得太乾，呢個麻麻地。蒜蓉炒生菜：味道可以，菜夠新鮮同大棵，不過個茨稠左dd。呢度幾間大排檔連住，其實選擇都多，不過唔係幾鍾意有人企起自己側邊等位 (只係食到一半……)，可能平日來會好d既。