Spade by Lassana (已結業)

是咁的，出發去洗腦團前夕，女皇要我開金口，吔蛋糕。痰擺梳，甜野，甜品，糖，真心咪搞我，不過女皇條脷聲稱，真心唔甜，人格擔保，我咪焯焯佢，個蛋糕囉。講番個蛋糕，酸味多過甜味，同埋好實淨，咪俾美心空氣蛋糕嚇親先得呀，小店芝士蛋糕都可以好芝士架。咬落好有層次，芝士味好出，質地偏軟，女皇話呢啲係焗蛋糕，唔理，好食就得啦。大本營，一啲都唔近女皇屋企，為食女主好得人驚，無雷公咁遠，搬個餅番屋企，傻的嗎?好食就得啦，唔理幾遠喎。女皇仲懶高級咁，整左伯爵茶嚟送餅，凌晨2點呀痴膠花，佢為左嘆世界，真係可以去到好盡，唔見佢敷mask咁勤力喎，傻仔!!!!!肥死佢肥死佢。我飲9up可以了，伯爵茶留番俾品味生活樂活小團子女皇大人啦係好食嘅，女皇話80蚊唔使，又順流逆流抗通賬?LASSANA老闆，好有良心，加價啦應該。