大喜屋

最近同屋企人慶祝可以唔使戴口罩 所以去咗沙田正街嘅大喜屋大擦一餐🥳 呢間大喜屋真係好抵食 亦都好受街坊歡迎 任食兩個鐘都係$238 繁忙時間大排長龍 大喜屋嘅放題選擇真係應有盡有 海鮮刺身壽司係基本 仲有各國小食同埋各式各樣嘅飲品糖果 啱晒一家大細男女老幼
-
😍我哋叫咗勁多嘢上至刺身 （阿根廷赤蝦/冰鎮花海蜇/泰式虎蝦 ...）下至燒物 （香草燒羊鞍/比目魚西京燒/糖芥末醬燒赤魚... ）
-
🫣唔值得一提嘅係沙田大喜屋嘅醉鮑魚 肉質新鮮好彈口 鮑魚肉滲咗酒香 都幾開胃 好適合做前菜
-
🍣另外要一讚即係帶子拖羅蓉塔 刺身材料豐富 帶子同拖羅都幾新鮮 飯嘅份量好少 啱啱好係一口 唔會因為食太多飯填飽個肚