Lockeroom Express (已結業)

疫情又嚴重咗，但會留意下邊間餐廳晚餐可外賣，帶返屋企慢慢嘆！ 佐敦Lockeroom Express 喺恒豐中心裡面，地鐵站一上就係非常方便～ 餐廳以快餐為主，主打小食、意粉、漢堡和甜品，價錢相宜，不收加一，學生都負擔得起。 冰島鮮蝦菠蘿漢堡 $68漢堡包上印上餐廳招牌烙印，別具特色，店員說炸蝦扒係師傅用新鮮蝦打成蝦膠，再沾粉漿炸成蝦餅，所以特別鬆脆彈牙，配埋自家製芥末醬和厚切菠蘿片，口感Juicy又香脆！另連脆薯角，非常滋味滿足～！ 美國黃油大雞扒配燒汁意粉 $58一打開盒子就聞到好香嘅雞扒香味，大大塊超吸引！雞皮煎到脆卜卜，啖啖肉，口感柔軟鮮嫩，意粉彈牙，開心的是燒汁另上同好多汁，撈入意粉就好好味啦！$58咁大份真係好抵食~! 焦糖意式奶凍 $20奶凍可自選漿汁，奶凍超滑和充滿奶香，焦糖醬又夠夾，好好味！ 店員仲送左2碗薯仔濃湯俾我，質感綿滑也不錯，感覺好抵！ 意外地發現店對面有夾糖counter，店員說來這裡惠顧可享夾糖八折優惠，見到Ｄ糖糖種類都幾特別，我都夾左包，大大包都係廿零蚊，開心啊！