影片
更多
2023-06-15
30 瀏覽
餐廳係新開嘅，所以廚房都好新淨，隔住玻璃可以見到烹調過程。雖然餐廳名叫做重慶燒烤，感覺好似好辣咁，但其實可以自行選擇辣度。食物選擇都算多！而且都燒得好食，特別係雞皮同雞軟骨都好脆！係略嫌翠玉瓜太薄~蒜蓉牛油燒金菇都好香，調味好好食，唔會太濃味，又唔會好似某啲串燒店咁"水浸金菇"，挶到出曬水。不過我覺得最好食一定係個燒菠蘿，呢個係必叫！燒過嘅菠蘿配上焦糖再雪返凍，食落涼浸浸，菠蘿鮮甜又多汁，超正架! 好似喺日本食冰糖草莓嘅感覺！價錢方面我覺得非常抵食！依家新張優惠 $50就有 5串串燒，香港黎講非常平~性價比高！隔離舖位都設有檯、凳同埋垃圾桶，可以即場食。但我就唔建議坐低食，呢度主要係做外賣為主，我地去到嘅時候係隔離進食區係冷氣同風扇都無嘅，非常悶熱！我地原本都想坐低食但食咗少少真係頂唔住，都係外賣吧~
蒜蓉牛油燒金菇都好香，調味好好食，唔會太濃味，又唔會好似某啲串燒店咁"水浸金菇"，挶到出曬水。不過我覺得最好食一定係個燒菠蘿，呢個係必叫！燒過嘅菠蘿配上焦糖再雪返凍，食落涼浸浸，菠蘿鮮甜又多汁，超正架! 好似喺日本食冰糖草莓嘅感覺！
價錢方面我覺得非常抵食！依家新張優惠 $50就有 5串串燒，香港黎講非常平~性價比高！
隔離舖位都設有檯、凳同埋垃圾桶，可以即場食。但我就唔建議坐低食，呢度主要係做外賣為主，我地去到嘅時候係隔離進食區係冷氣同風扇都無嘅，非常悶熱！我地原本都想坐低食但食咗少少真係頂唔住，都係外賣吧~
張貼
