影片
更多
2021-02-26
127 瀏覽
終於去左間想食好耐嘅壽司店。今次係用app訂座嘅，唔同時段有唔同折扣優惠，以下係折前嘅價錢。特上壽司拼盤（$250）特上壽司拼盤有十件壽司，一上碟見到有吞拿魚腩、牡丹蝦、帆立貝同海膽呢啲已經好期待。吞拿魚腩、牡丹蝦同魚子食落都好香甜、好新鮮，不過好期待嘅海膽同帆立貝就有少少失望。上碟嗰時見到好似擺耐左，唔係好新鮮嘅樣，食落都麻麻地。單點壽司單點嘅甜蝦都唔錯，但都係拼盤嘅牡丹蝦甜啲好食啲。芥末八爪魚軍艦嘅芥末好香，但都幾攻鼻。赤貝好靚，食落都唔錯，幾爽口。佢哋嘅服務態度都好好，唔小心漏左件壽司未上嘅時候，師傅都有係咁講唔好意思。店員加茶都加得好快，又會問返壽司入面有wasabi介唔介意（唔會太辣，加左都幾香）。整體黎講啲壽司都幾新鮮、幾好食，今次訂座有折扣優惠，我地叫左好多壽司，加一之後係$365左右，好抵食，有機會會再黎！
特上壽司拼盤（$250）
特上壽司拼盤有十件壽司，一上碟見到有吞拿魚腩、牡丹蝦、帆立貝同海膽呢啲已經好期待。
吞拿魚腩、牡丹蝦同魚子食落都好香甜、好新鮮，不過好期待嘅海膽同帆立貝就有少少失望。上碟嗰時見到好似擺耐左，唔係好新鮮嘅樣，食落都麻麻地。
單點壽司
單點嘅甜蝦都唔錯，但都係拼盤嘅牡丹蝦甜啲好食啲。芥末八爪魚軍艦嘅芥末好香，但都幾攻鼻。
赤貝好靚，食落都唔錯，幾爽口。
佢哋嘅服務態度都好好，唔小心漏左件壽司未上嘅時候，師傅都有係咁講唔好意思。店員加茶都加得好快，又會問返壽司入面有wasabi介唔介意（唔會太辣，加左都幾香）。
整體黎講啲壽司都幾新鮮、幾好食，今次訂座有折扣優惠，我地叫左好多壽司，加一之後係$365左右，好抵食，有機會會再黎！
張貼
