スーパー丼 Express (已結業)

後知後覺嘅我 最近先知Superdon喺九龍都有分店啦😆就喺佐敦嘅逸東酒店入面 原來大埔亦都開咗 以後香港/九龍/新界嘅朋友仔想食都勁方便❣️佐敦呢間Express 餐牌同銅鑼灣對比 選擇係少咗 不過最主打嘅丼飯呢度都有晒🍚另外仲可以以優惠價加配刺身/小食/飲品◾鰻魚玉子和牛丼鰻魚同和牛絕對係無敵組合 加埋玉子就係三重享受🥢和牛雖然薄身 但量多 都有大概8-10塊 而且肉質嫩滑 鰻魚都夠厚肉 飯入面嘅燒汁亦好濃郁惹味🤤識食當然將玉子嘅蛋汁撈埋落去啦◽火炙三色丼三色丼即係有三文魚/吞拿魚同左口魚邊 經過炙燒後 魚嘅油脂出晒嚟❤️我至愛嘅左口魚邊最出色 入囗溶化 而吞拿魚燒得好香 最重要係肉質唔會鬆散 食落都幾鮮味🐟每份都會配埋昆布湯同中華沙律 而且丼飯份量都幾大碗架💁🏻‍♀️