影片
更多
2017-09-19
2090 瀏覽
自從老公調咗去長沙灣返工後，呢一區幾乎已經變成我倆的搵食飯堂。對上一次去咗元州商場食越南菜，今晚就一於行遠啲，試下這間長沙灣數一數二高性價比的西餐廳「卡莎338」。店子位於東京街，是間地舖，環境雖然是有點僻靜，但其實位置挺就腳，從港鐵長沙灣站 A2 出口走約 5 分鐘便到達。踏進店，裝潢以木色為主調，地方唔算好大，但感覺寬敞舒服，配上帶點法式風情的設計，氣氛很不錯。拿起餐牌逐一細看，晚市套餐選擇非常豐富，共有13 款，包主菜、是日餐湯、蒜蓉包及餐飲，如果惠顧套餐加 $88/位，更可享六款手工生啤放題 1.5 小時。另外餐廳亦備有 5 款每周優惠套餐，價錢十分經濟，最貴都只是 $88，超值！至於散點方面，就有 Pizza、小食、生蠔及美國安格斯肉眼扒。如果是兩口子到訪嘅話，最正當然就係揀二人套餐，唔使傷腦筋，而且仲有斧頭扒同和牛餐兩款可供選擇。 選了和牛二人套餐 ($398)，套餐包是日餐湯、蒜蓉包、小食拼盤、德國咸豬手、和牛肉眼或和牛西冷同餐飲，如果想食埋甜品就要另加 $28/份。是日餐湯係火腿粟米湯，呷一口，質感頗稀，味道極淡，水準一般。反而配吃的蒜蓉包，質素不俗，入口邊位鬆脆，中
自從老公調咗去長沙灣返工後，呢一區幾乎已經變成我倆的搵食飯堂。對上一次去咗元州商場食越南菜，今晚就一於行遠啲，試下這間長沙灣數一數二高性價比的西餐廳「卡莎338」。店子位於東京街，是間地舖，環境雖然是有點僻靜，但其實位置挺就腳，從港鐵長沙灣站 A2 出口走約 5 分鐘便到達。
踏進店，裝潢以木色為主調，地方唔算好大，但感覺寬敞舒服，配上帶點法式風情的設計，氣氛很不錯。
拿起餐牌逐一細看，晚市套餐選擇非常豐富，共有13 款，包主菜、是日餐湯、蒜蓉包及餐飲，如果惠顧套餐加 $88/位，更可享六款手工生啤放題 1.5 小時。另外餐廳亦備有 5 款每周優惠套餐，價錢十分經濟，最貴都只是 $88，超值！至於散點方面，就有 Pizza、小食、生蠔及美國安格斯肉眼扒。如果是兩口子到訪嘅話，最正當然就係揀二人套餐，唔使傷腦筋，而且仲有斧頭扒同和牛餐兩款可供選擇。
選了和牛二人套餐 ($398)，套餐包是日餐湯、蒜蓉包、小食拼盤、德國咸豬手、和牛肉眼或和牛西冷同餐飲，如果想食埋甜品就要另加 $28/份。是日餐湯係火腿粟米湯，呷一口，質感頗稀，味道極淡，水準一般。反而配吃的蒜蓉包，質素不俗，入口邊位鬆脆，中間軟熟，帶淡淡蒜蓉香。
接著的二人小食拼盤，一共有四款，有雞翼、春卷、雞寶及薯條，而且上桌時仲跟埋茄汁。最鍾意，「唔使問阿貴」，當然係雞翼啦，外層香脆，內裡嫩滑，味道不錯，啱曬食肉獸。
輪到品嘗招牌德國咸豬手，咸豬手外形不大，約有半隻，以一塊黑石板盛上，而旁邊就伴有沙律菜、酸椰菜及蜜糖芥末汁。馬上切開豬手一試，外皮咬下「索索」聲、脆卜卜，而下面嘅皮下脂肪亦厚度適中，加上肉質腍滑多汁，好似食緊乳豬一樣，令人停不了口，配埋酸菜同吃，更添地道風味。
至於另一客主食就揀咗澳洲頂級和牛肉眼，點了六成熟，客人可選配薯菜、意粉或飯同吃。肉眼扒雖然話係 8 安士，但其實 Size 都幾大，而且有適度的油脂及濃厚的味道，肉與油香營造絕妙的平衡，加上肉質嫩滑又佈滿肉汁，入口鮮嫩富口感，蘸點蒜蓉汁，再配埋意粉吃，既飽肚又滿足！
張貼
