影片
更多
2023-09-03
40 瀏覽
平時行經尖沙咀都有見過呢一間餐廳，今日天后都有，所以同朋友行咗入去，又一間轉左用電話落單。紅燒牛肉麵(+$8加糖心蛋): 轉左電話落單之後發覺原來湯底都可以揀正常或者濃湯嘅，試咗後者，感覺相比出邊嘅清湯係濃咗少少，但係又唔算特別太搶味，飲落清甜。牛肉有七至八塊，而且仲有少少菜伴碟添。滷肉飯（汁另上）($32): 同樣都係可以揀多汁或者正常，揀咗另上想睇吓會係點，純粹係多咗一碟汁。滷肉肥瘦分明，而且比例一半肥一半瘦加埋飯粒食落去好滿足！醬汁亦都唔會過鹹，幾好。鹹酥雞（唔辣）($38): 我哋兩個人食，本身覺得叫咗兩個主菜可能會唔夠，所以叫咗三樣小菜。必叫鹹酥雞，真係做到台灣嗰一隻炸漿，係食得出有一粒粒炸脆，鹹度都啱啱好，出色。滷肉燙青菜($28): 有滷肉飯嘅汁喺上面，相比起滷肉飯，佢嘅滷肉會比滷肉飯較瘦，無咁多肥膏。炸甜不辣($33): 大概有八塊，呢度做得比較薄身，而且可能重手左，所以上面個幾塊會俾較咸，如果可以將調味擺喺碟隔離嘅話會更加好。飲品：跟餐嘅檸檬紅茶走甜($8)，同埋另叫杯芽烏龍奶茶走甜($23)，自己對杯芽情有獨鍾，所以去到台灣餐廳都會叫嘅，其實本身冇乜味，但係感覺加咗
紅燒牛肉麵(+$8加糖心蛋): 轉左電話落單之後發覺原來湯底都可以揀正常或者濃湯嘅，試咗後者，感覺相比出邊嘅清湯係濃咗少少，但係又唔算特別太搶味，飲落清甜。牛肉有七至八塊，而且仲有少少菜伴碟添。
滷肉飯（汁另上）($32): 同樣都係可以揀多汁或者正常，揀咗另上想睇吓會係點，純粹係多咗一碟汁。滷肉肥瘦分明，而且比例一半肥一半瘦加埋飯粒食落去好滿足！醬汁亦都唔會過鹹，幾好。
鹹酥雞（唔辣）($38): 我哋兩個人食，本身覺得叫咗兩個主菜可能會唔夠，所以叫咗三樣小菜。必叫鹹酥雞，真係做到台灣嗰一隻炸漿，係食得出有一粒粒炸脆，鹹度都啱啱好，出色。
滷肉燙青菜($28): 有滷肉飯嘅汁喺上面，相比起滷肉飯，佢嘅滷肉會比滷肉飯較瘦，無咁多肥膏。
炸甜不辣($33): 大概有八塊，呢度做得比較薄身，而且可能重手左，所以上面個幾塊會俾較咸，如果可以將調味擺喺碟隔離嘅話會更加好。
飲品：跟餐嘅檸檬紅茶走甜($8)，同埋另叫杯芽烏龍奶茶走甜($23)，自己對杯芽情有獨鍾，所以去到台灣餐廳都會叫嘅，其實本身冇乜味，但係感覺加咗會健康啲😂
總結：兩個人食都係大概人均$100左右就有咁多餸，而且份量都好多，味道又相宜，絕對係抵食之選。
張貼
