茶木‧台式休閒餐廳 (德福廣場1期)

營業中

休息中

不嬲茶木係周圍都有得食，本來對呢D連鎖餐廳都冇乜太大興趣，但係今次食完之後，又覺得茶木其實唔錯，個價錢唔貴，又可以過下台灣嘢嘅癮。👍喺商場行嚟行去揀咗好耐，最後朋友又想食台灣嘢，所以我哋直接揀咗茶木，一入到去就見到餐廳做緊晚市套餐優惠，叫晚嚐二人餐，對下對下，又真係發覺幾平，起碼打咗個七折。 所以我哋梗係叫呢個餐黎食啦。呢個餐包咗兩個小食，兩個主食，兩個飲品，仲可以加十蚊叫甜品㖭，食到捧住個肚走都得呀。主食方面我哋叫左茶漬飯，同埋牛肉麵。茶漬飯係三文魚湯底，面頭有少許嘅三文魚，同埋漬物，雖然係似日本嘅多過台灣嘢，但係味道都唔差👍另外牛肉麵方面，牛肉分量都頗多，湯底有少少辣，而且麵嘅粗幼啱啱好，食落都幾彈牙。