讚好台灣

營業中

休息中

平時經過讚好台灣都超多人等位，今日2點半經過，唔係太多人等位，反而多人外賣，裡面座位都坐滿，有啲迫。下午茶餐都有好多配搭，一款主食，三款小食連一杯飲品，價錢都係$34，超抵食。麻醬乾麵，麵好爽，少少暖，撈埋麻醬好香。逢甲酥炸雞+甘梅脆薯+木魚炸豆腐，三樣都係啱啱炸起，熱辣辣，外層炸得又香又脆，好好食。每樣少少地但可以食多幾款，配搭得好好。凍奶茶（凍飲+3），唔會太甜。下午茶份量真係啱啱好。還試了同行友人半條腸和椒麻牛肚絲，感覺很地道的台灣小食。