牛丼家

營業中

休息中

今日去旺角開會，早收工同同事食下午茶。同事話趁墟試下呢間新開餐廳。搭𨋢上2樓，冷氣機足夠，坐得幾舒服。薑蔥牛魔王飯套餐即係漢堡扒，幾有肉汁，牛味幾香。加埋佢嗰個柚子味特製醬汁，更加開胃，不錯。炸雞有肉汁，味道不錯。份量超級大碗，唔使再食晚飯了。同事叫左一份鹽醬汁豚肉飯，份量都好多，豚肉好多塊，試咗一塊豚肉都非常入味，咸咸甜甜。炸公魚仔幾香口，連骨都食埋。餐廳座落旺角市中心，坐2樓非常闊落，冷氣都好夠，喺今日咁熱嘅天氣上去抖涼食個下午茶也不錯。飲品又大大杯。臨走同事仲買咗$100/5碗牛肉飯套票，$20一餐咁鬼抵，下次再試。