Applegreen (已結業)

昨晚和幾個朋友來這間餐廳食飯，這裏環境很好很舒服。雖然係星期六，但仍然有一個很抵食的二人套餐，$338有兩個小食，兩個主菜和兩杯飲品。我地點了兩個套餐及一個小食。套餐中的四個小食全部要了一個，另外六個主菜選了四個，再叫了一個薄荷餡餅。四個小食包括兩個沙律，一個脆薯格和雞翼。主菜包括一個蜜瓜巴馬臣火腿薄餅，牛扒，雜菌意粉和意大利燉飯。朋友說最驚喜是薄餅，又脆又有蜜瓜的甜。而我就鍾意薄荷餡餅，很好味。此外，牛扒都很好味，薯條仲多到不得了！最唔好食的肯定係個意大利燉飯，無味道的，唔好食！食物其實碟碟都好有份量，二人餐其實兩個人都會食唔晒架。。。不過多些人去就唔會浪費食物啦！仲有，呢間的waitress都好好，幫我地影相會教我地點坐會好些，仲影左好幾張添！