月島 (已結業)

好極力同大家推薦一間日本餐，兩個人食飽飽又好食先至講緊六百幾蚊。佢哋嘅是日新鮮刺身拼盤好吸引，二百多蚊嘅價錢就已經有原條池魚，超新鮮赤貝，油金魚，甜蝦，同三文魚，因為我唔識三文魚嘅關係轉咗做魷魚。好正。特別喜歡原條池魚，鮮味，而且一味能兩吃，自家秘製的細切做法與別不同，令人賞心悅目。新鮮赤貝係我嘅至愛，食落去10分彈牙爽口。魷魚細切係我同朋友都喜歡嘅，整個刺身拼盤都好新鮮。另外一樣我每次見到都一定會要嘅就係螢光魷魚，我成日喺度諗究竟佢咩時候先至會發光？佢發光嘅時候我又要可唔可以許願嗎？呢度嘅螢光魷魚令我想起上次喺東京食嘅。好味而且分量很夠啊！第一次食文字燒，原來文字燒係月島嘅出名美食，今次選嘅係明太子芝士，一路食一路產下產下都幾得意㗎。同平時食開嘅大阪燒等等分別都幾大。質地比較軟，蛋味等大阪燒咁濃。但玩法過癮。而且呢度係以香港第一間有文字燒食嘅餐廳。大家有興趣都黎試吓。呢度嘅食物質素普遍都好高，尤其欣賞嘅係串燒方面所有雞類都係用上新鮮雞。今次食咗雞肝以及雞什都好好味呀！不過始終香港同日本有啲分別日本嘅雞潤呢可以半山熟但係香港嗰啲呢就一定要燒全熟。最開心係買單講緊大概＄300左右一個人。