大中華素食

呢度下午茶5點前，星期一至日都半價，每碟小菜平均3，40，唔係迷你版，係平時既size.
蛇羹，$78/2一鍋，夠4~5人份。有埋菊花同薄脆，都幾似。肉絲一絲絲，仲有冬菇同素肉粒。

蛇羹

羊腩煲，南乳汁好濃，上檯滾住上，好有火氣。支竹，生菜，冬菇都好入味，羊腩肉，都真係好似肉

羊腩煲

五柳芋頭魚，炸得好鬆脆，芋泥好粉，連五柳汁一齊食，酸酸甜甜，正!

五柳芋頭魚

酥炸鵝肝紫菜卷，酥皮略硬，但猴頭菇打既蓉都幾似鵝肝，當然沒有鵝肝既香濃。加紫菜都幾好食既。

酥炸鵝肝紫菜卷

白汁海鮮麵包焗飯，熱辣辣，超大份，但麵包一定要快食先鬆軟，之後會韌。入面喺海鮮炒飯，超大份。

1

白汁海鮮麵包焗飯

整體食左$288，4人，4餸一湯，都真係好唔錯，最重要是又好食又抵食。