校長燒肉日韓料理 (大埔廣場)

真係大癲, 竟然有咁抵、咁好食嘅放題. 真係不枉我由紅磡去到大埔嚟會一會「校長燒肉」.

舖頭門面好特別, 有大大個超人喺度坐陣, 行過路過都想望多眼. 入到餐廳, 嘩！面積都好大, 乾淨舒服, 環境唔錯, 有打卡靚位, 服務員仲好好禮貌添.

食物方面, 餐廳主力推介任食A4和牛同生啤任飲. 其實佢個價錢, 係包全包宴, 任食任飲, 真係冇誇張, 款式多到可以媲美酒店自助餐. 魚生、壽司、火鍋、韓燒、甜品、糖果、雪糕、雪條、飲品、特飲應有盡有.

必食推介：
~鹿兒島A4黑毛和牛三角腩
~美國頂級手切牛
~A4北海道黑毛和牛
~A4黑毛和牛辣椒仔
~牛舌芯
~日本北海道千歲う米豚、豚腩
~羊架
~燒乳鴿

講下我喜愛嘅牛舌芯, 入口極致軟嫩，幾乎入口即化, 但又帶有輕微嘅爽脆感, 唔會過於軟爛. 味道方面, 具有濃郁嘅牛油香氣同甘甜味, 無內臟嘅腥羶味. 燒烤後依然能保持豐富肉汁, 吃起來不乾不柴.

仲有羊架, 我仔平時唔食嘅, 佢呢餐食咗兩大件. 燒烤前, 眼見肉色係呈鮮嫩嘅粉紅色, 脂肪分布均勻且呈雪白色. 優質羊架好好味.

刺身、魚生都好好味, 三文魚好肥美. 自助甜品我仔整咗一碗畀我食, 心都甜埋. 我仲食咗兩杯雪糕. 食埋呢餐先減肥啦.

我仔仲一邊食一邊send相去同學群組, 係咁推介呢間餐廳, 話要帶啲同學過嚟食添. 心動不如行動, 我唔講咁多啦, 快啲約埋三五知己過嚟試下啦.
校長燒肉日韓料理(大埔分店）
大埔安泰路1號大埔廣場6號地下
訂座電話：3113 2355
WhatsApp：9818 6533