稻香.茶居 (荷李活商業中心) (已結業)

我有一個習慣就係每星期一定要去茶樓飲茶食一盅兩件😂今次行經旺角見到竟然開咗間 稻香•茶居 就入去試下 一入到去俾佢個裝修設計嚇親我，竟然可以設計到古色古香 環境又十分大 無論枱枱椅椅定還是擺設，都會令人覺得好似返咗古代咁🤭最特別嘅係傳統得來又好智能化，有全自動茶車，加茶加水煲水一條龍自己搞定，可以慳返好多時間又可以有嘢玩😂😂食物方面呢有好多選擇，我今次試咗職員超級推介嘅四款限定新品。⭐️傳承美點當中包括左 蝦餃 。燒賣 。粉果 。糕點利用用一個傳統嘅籃裝住充滿中國風情，味道同造型都💯⭐️肉鬆小蜜蜂🐝蜜蜂造型嘅肉鬆包，內含超級多嘅肉鬆餡有少少甜味 ，麵包鬆軟 ⭐️湯中湯灌包傳統嘅灌湯包但利用茶杯裝住再喺外面加入溫水，另包裏裏外外都充滿湯汁😋⭐️千禧鶉蛋燒賣綠色外表燒賣非常特別，皮薄餡靚而且鵪鶉蛋上面仲放左蟹籽增添鮮味仲有好多特色嘅傳統點心，而家休閒下午茶 尊特大中小點一律小點收費 👍🏻咁抵食仲唔快啲衝過去試吓🏃🏻‍♀️🏃🏻‍♂️