影片
更多
2021-11-10
55 瀏覽
同朋友係大圍求其行揾野食，行下行下最後入咗呢間試下好唔好食😙-💛黃色商家-🐖馳名楊叔叔豬手飯 ($62)啲豬手嘅皮幾淋，夠滑，啲毛都去得好乾淨😋啲肉都夠入味，不過可以淋啲，至於啲蛋都幾入味幾香，份量好夠，不過食到尾就有少少漏🥲-🦀蛋炒咖哩蟹肉飯 ($68)未食已經聞到好香，食落唔太辣，不過真係好多蟹肉同膏，啲骨去得好乾淨，呢個真係好驚喜🥰好足料，可以一啖蟹肉一啖飯😛-🍜豬肉船麵 ($60)豬肉丸嘅豬肉味夠，不過唔夠彈牙，麵嘅熟度啱啱好，湯嘅濃淡適當，整體而言餸都算多，幾豐富😙-🐔泰式椰子雞湯麵 ($58)椰子味都有但係唔夠濃，雞肉夠嫩唔會柴，推介俾鐘意清淡口味嘅朋友🐵-🐂青咖喱牛腩飯 ($60)食落微辣，有好香嘅椰奶同咖喱味，牛腩唔係煮到淋晒嗰種，但又唔會太韌，幾入味，不過略嫌啲牛味俾咖喱味蓋過咗🥺-🍽阿叔拼盤 (4人) ($138)蝦餅嘅外皮夠脆，不過可以再彈牙啲，魚餅味道普通，有幾粒香料未碎，少少影響口感，同埋個沾醬味道有少少奇怪，所以我都冇乜點點個醬嚟食🥲香茅魚露雞翼可以再嫩啲同多汁啲，至於椰汁西米糕有芋頭粒同粟米增加口感，美中不足嘅係味道偏甜，椰汁味可以重啲😛-🥤凍泰式奶茶 (
-
💛黃色商家
-
🐖馳名楊叔叔豬手飯 ($62)
啲豬手嘅皮幾淋，夠滑，啲毛都去得好乾淨😋啲肉都夠入味，不過可以淋啲，至於啲蛋都幾入味幾香，份量好夠，不過食到尾就有少少漏🥲
-
🦀蛋炒咖哩蟹肉飯 ($68)
未食已經聞到好香，食落唔太辣，不過真係好多蟹肉同膏，啲骨去得好乾淨，呢個真係好驚喜🥰好足料，可以一啖蟹肉一啖飯😛
-
🍜豬肉船麵 ($60)
豬肉丸嘅豬肉味夠，不過唔夠彈牙，麵嘅熟度啱啱好，湯嘅濃淡適當，整體而言餸都算多，幾豐富😙
-
🐔泰式椰子雞湯麵 ($58)
椰子味都有但係唔夠濃，雞肉夠嫩唔會柴，推介俾鐘意清淡口味嘅朋友🐵
-
🐂青咖喱牛腩飯 ($60)
食落微辣，有好香嘅椰奶同咖喱味，牛腩唔係煮到淋晒嗰種，但又唔會太韌，幾入味，不過略嫌啲牛味俾咖喱味蓋過咗🥺
-
🍽阿叔拼盤 (4人) ($138)
蝦餅嘅外皮夠脆，不過可以再彈牙啲，魚餅味道普通，有幾粒香料未碎，少少影響口感，同埋個沾醬味道有少少奇怪，所以我都冇乜點點個醬嚟食🥲香茅魚露雞翼可以再嫩啲同多汁啲，至於椰汁西米糕有芋頭粒同粟米增加口感，美中不足嘅係味道偏甜，椰汁味可以重啲😛
-
🥤凍泰式奶茶 ($24)
茶底嘅茶味好夠，叫咗少甜，甜度啱啱好，而且幾大杯，飲足成餐都未飲完😋
-
呢間嘅CP值好高，味道整體來講都唔錯，舖頭嘅裝修幾有特色，同埋員工都好nice，個人覺得真係值得一試🥰🥰
張貼